Vafo va sadoqat timsoli Zulfiya!

Bahorning ilk kunlarida tavvalud topgan, vafo va sadoqat kuychisi, O’zbekiston xalq shoirasi Zulfiyaning 105 yilligi munosabati bilan, 2020 yil 2 mart kuni Toshkent shahar «Bilim» axborot-kutubxona markazi va Chilonzor tumani 202-sonli umumt’alim maktab bilan hamkorlikda “Vafo va sadoqat timsoli Zulfiya!” mavzusida adabiy kecha hamda “Eng yaxshi kitobxon o’quvchi” nomli tanlov bo’lib o’tdi. Tadbirni maktabning ma’naviy-ma’rifiy ishlar bo’yicha direktor o’rinbosari ochib berdi. Tanlov 3 bosqichdan iborat bo’lib 8-“A”, 7-“B” sinf o’quvchi qizlar o’rtasida bo’ldi. 1-bosqich “Tanishuv” , 2-bosqich “Men sevgan asar”, 3-bosqich “Zulfiyaning she’rlarini ifodali yodlash” shartidan iborat bo’ldi. Shuningdek, 6-“V” sinf o’quvchilari tomonidan sahna ko’rinishlari namoish etildi va Zulfiyaning she’rlari ifodali o’qib eshittirildi. Bundan tashqari, 1-sinf jajji qizaloqlar sho’x taronalar kuylab, raqslar havola etidilar. So’ngra, AKM mutaxassislari tomonidan shoiraning hayoti va ijodiga bag’ishlab ishlangan video film ishtirokchilarga namoish etildi. Tadbir yakunida 202-maktab va AKM xodimlari tomonidan tadbirda faol qatnashgan o’quvchilarga faxriy yorliqlar hamda esdalik sovg’alar taqdim etildi.