Yo’l-yo’lakay o’qiymiz loyihasi davom etmoqda

O’zbekiston Respublikasi Prezidentining 5 ta tashabbusi bo’yicha implementatsiya strategiyasini joriy etish yuzasidan, 2020 yil 26 fevral kuni Toshkent shahar «Bilim» axborot-kutubxona markazi mutaxassislari tomonidan, Mirobod tumanida joylashgan savdo va ko’ngilochar «Kompas» majmuasida «Yo'l-yo'lakay o'qiymiz» loyihasining navbatdagi tadbiri bo’lib o’tdi. Loyiha doirasida mutaxassislarimiz aholiga «Bilim» AKM fondida mavjud bo’lgan badiiy adabiyotlar va bolalar adabiyotlarini targ’ib  qilish maqsadida, «Kompas» savdo va ko’ngilochar majmuasida ko’chma kutubxona uyushtirdilar. Loyiha doirasida mutaxassislarimiz savdo markazi sotuvchilari, haridorlar va jajji bolajonlarga AKMdagi mavjud qiziqarli asarlar, kelib tushgan yangi adabiyotlar bilan tanishish va mutolaa qilish imkoniyatini yaratib berdilar. Jumladan, Alisher Navoiyning   «Saddi Iskandariy», O’tkir Hoshimovning «Tushda kechgan umrlar», Isajon Sultonning «Hazrati Xizr izidan» va bolajonlarimiz uchun Jumaboy Rahimovning  «Jaloliddin Manguberdi», Zulfiyaning  «Kapalak», Tursunboy Adashboyevning «Oltin yolli tulpor qissasi» ertaklari mutolaa qilindi. Loyihada qatnashgan ishtirokchilarga AKM tomonidan esdalik sovg’alari va markazimiz haqidagi bukletlar tarqatildi.