Yangi O’zbekistonni yoshlar bilan birga kuramiz!

O’zbekiston Respublikasi Prezidentining 5 ta tashabbusi bo’yicha, 2020 yil 7 fevral kuni Toshkentda “Yangi O’zbekistonni yoshlar bilan birga kuramiz” shiori ostida vatanparvarlik festivali o’tkazildi. Mazkur festival doirasida, Toshkent shahar musiqa va san’at maktablari, Toshkent shahar sport maktablari taqdimoti va ko’rgazmalari tashkil etildi. “Yosh kitobxon” aksiyasi va kitoblar ko’rgazmasi, yoshlar o’rtasida “Kibersport” musobaqasi, “Muvafaqqiyatga erishish sirlari” mavzusida taniqli tadbirkorlar bilan uchrashuvlar uyushtirildi. Shuningdek, harbiylar va yoshlar ishtirokida “Vatanparvarlik paradi” hamda “Yangi O’zbekistonni yoshlar bilan birga kuramiz” shiori ostida vatanparvarlik festivali ochilish marosimi bo’lib o’tdi. So’ng Toshkent shahar «Bilim» axborot - kutubxona markazi mutaxassislari tomonidan yosh ijodkorlarning yangi kitoblari taqdimotlari, “Kitobxon mahalla”, “Yo’l-yo'lakay o’qimiz” loyihalarining taqdimoti hamda festivalga tashrif buyurgan aholi o’rtasida, yurtimiz poytaxti Toshkent shahri haqida viktorinalar o’tkazildi.

Viktorinada faol qatnashgan ishtirokchilarga AKM xodimlari tomonidan esdalik sovg’alar taqdim etildi. Tadbir davomida “Yangi yulduzlar” musiqa va san’at maktablari yosh ijodkorlarning konserti, Mudofaa vazirligi harbiy xizmatchilari jangavor chiqishlari, Toshkent shahar madaniyat markazlari xonandalari konserti va “Yoshlik navolari” “O’zbekkonsert ” davlat muassasasi xonandalarning konsert dasturlari bilan chiqishlari va “DJ” shou uyushtirildi. Tadbir yakunida aholiga Retro avtomobillarning ko’rgazmali namoyishi taqdim etildi.