O’zbekiston Respublikasi Prezidentining 5 ta tashabbusi bo’yicha implementatsiya strategiyasini joriy etish yuzasidan loyihasi doirasida , 2020 yil 27 fevral kuni Toshkent shahar «Bilim» axborot-kutubxona markazida “Men muvaffaqiyatli ayolman" mavzusida davra suhbati bo’lib o'tdi. Tadbirda kutubxona foydalanuvchilari, tuman axborot-kutubxona markazlari xodimlari, poytaxtdagi AKM xodimlari ishtirok etishdi. Toshkent shahar «Bilim» AKM direktori H. Q. Karimova, Vazirlar Mahkamasi huzuridagi "Oila" ilmiy-amaliy tadqiqot markazi Chilonzor tumani bo'limining mudiri U. Turgunova tadbir qahramonlari sifatida ishtirok etdilar. Tadbirni Elektron resurslar va o'quv zallari xizmati mutaxassis Sh. Atadjanova ochib, ishtirokchilarni davra suhbati qahramonlar bilan tanishtirdi va muvaffaqiyatli ayollarga bag'ishlangan she'rlarni o'qib berdi. So'ngra H. Q. Karimova va U. Turg'unova so'zga chiqib, tadbir qatnashchilariga o'zlarining oilaviy hayoti hamda ish faoliyati haqida, ushbu kasbga bolgan munosabati, kasbiy va ijtimoiy faoliyatdagi yutuqlari, erishgan natijalari, namuna bo’laoladigan jihatlari to’g’risida gapirib berdilar. Suhbat chog'ida tadbir qatnashchilari muvaffaqiyatli ayolning hayotda tutgan o’rni, o’rnak bo’ladigan fazilatlari haqida boy taassurotlariga ega bo’lish bilan birga o’z fikr-mulohazalari bilan o'rtoqlashishdilar. Uchrashuv yakunida H. Q. Karimova va U. Turg'unovalarga esdalik sovg’alar bilan bahoriy gullar hadiya etildi.
Комментарии
Отправить комментарий