Ko'k chamadonchaning tashrifi

Bugungi kunda, hunarmandlar o’rtasida kitobxonlikka bo’lgan qiziqishni uyg’otish, ma’naviy dunyoqarashini boyitish bilan birga ularning ish jarayonida dam olish vaqtlarini mazmunli o’tkazish maqsadida, 2020 yil 19 fevral kuni Toshkent shahar «Bilim» axborot – kutubxona markazi tasarrufidagi Abdulhamid Sulaymon o’g’li Cho’lpon kutubxonasi mutaxassislari tomonidan Olmazor tumanidagi “Yoshlar mehnat guzari” hunarmandchilik maskanida “Ko’k chamadonchaning tashrifi” loyihasi doirasida ko’chma kutubxona uyushtirildi. Shuningdek, hunarmandlar kutubxona fondida mavjud badiiy adabiyotlar bilan birga, sohaga oid kitoblar bilan ham tanishdilar hamda, ko’rgazmadagi adabiyotlarni mutolaa qilish uchun kitobxonlarga sharoitlar yaratildi. Jumladan: Yosh naqqosh va duradgorlarimizdan F. Hasanovning “Turon xalqlari harbiy san’ati” kitobi katta qiziqish uyg’otdi. Nonvoylar uchun esa G. Shayxovaning “Ovqatlanish saboqlari” kitobi katta ta’surot qoldirdi. Tadbir yakunida AKM xodimi D. Azizova kutubxona fondi va a’zo bo’lish tartibi haqida ishtirokchilarga ma’lumot berib hamda kutubxona haqidagi bukletlar, flayrlar tarqatdi