“Kitobni jonlantiramiz”

Yosh avlodni kitobga bo'lgan muhabbatini yanada oshirish va dunyoqarashini kengaytirish maqsadida turli tadbirlar olib borilmoqda. Jumladan, 2020 yil 25 fevral sanasida Toshkent shahar “Bilim” axborot-kutubxona mutaxassislari hamda Milliy gvardiya tasarrufidagi musiqa va san’at litseyi va “Faol kitobxon” klubi a’zolari bilan O’zbek xalqining buyuk yozuvchisi, O’zbekiston xalq qahramoni Said Ahmadning “Ufq” romani asosida “Asar qahramonlarini jonlantiramiz” mavzusida davra suhbati bo’lib o’tdi. Tadbirni AKM mutaxassisi Sh.Atadjanova yozuvchining hayoti va ijodi, boshqa asarlari to’g’risida ishtirokchilarga batafsil ma’lumotlar berish bilan ochib berdi. So’ngra ishtirokchilar asardagi ijobiy va salbiy qahramonlarga o’z fikr-mulohazalarini bildirish bilan birga, o’sha davr muhiti bilan hozirgi davrni ham taqqoslab o’tishdi. Asardagi ijobiy obrazlardan monologlar keltirib, sahna ko’rinishlarini ham havola etdilar. Xulosa qismida ishtirokchilar ushbu asar orqali o’zlari uchun boy ma’lumotlar olganliklari, ijobiy qahramonlar orqali Vatanga,ota-onaga mehr-muhabbat tuyg’ularini his qilganliklarini ta’kidlab o’tdilar. Tadbir yakunida “Bilim” Akm fondidagi yangi badiiy adabiyotlar ko’rgazmasi tashkil qilinib, mutaxassislar tomonidan har bir kitobga bibliografik sharh berib o’tildi.