Yo’l-yo’lakay o’qiymiz loyihasi davom etmoqda

O’zbekiston Respublikasi Prezidentining 5 ta tashabbusi bo’yicha implementatsiya strategiyasini joriy etish yuzasidan, 2020 yil 30 yanvar kuni Toshkent shahar «Bilim» axborot-kutubxona markazi mutaxassislari tomonidan, Toshkentning savdo va ko’ngilochar «Atlas» majmuasida «Yo'l-yo'lakay o'qiymiz» loyihasining navbatdagi tadbiri bo’lib o’tdi. Loyiha doirasida mutaxassislarimiz aholiga «Bilim» AKM fondida mavjud bo’lgan badiiy adabiyotlarni targ’ib qilish maqsadida, «Atlas» savdo va ko’ngilochar majmuasida ko’chma kutubxona uyushtirdilar. Loyiha doirasida mutaxassislarimiz savdo markazi sotuvchilari, haridorlar va jajji bolajonlarga AKMdagi mavjud qiziqarli asarlar, kelib tushgan yangi adabiyotlar bilan tanishish va mutolaa qilish imkoniyatini yaratib berdilar. Jumladan, Tohir Malikning «Hikoyalar», «Vijdon uyg’onur», Said Ahmadning «Ufq», Abdulla Qahhorning «O’gri», O’tkir Hoshimovning, «Ikki eshik orasi», bolajonlar uchun Po’lat Mo’minning «Qushlar, qushlar ko’ngil xushlar», Hans Kristian Andersenning «Yovvoyi oqqushlar», X. To’xtaboyevning «Qiz bolaga tosh otmang», Aka-uka Grim ertaklari qiziqish bilan mutolaa qilindi. Shuningdek, loyihada qatnashgan ishtirokchilarga AKM tomonidan esdalik sovg’alari va markazimiz haqidagi bukletlar tarqatildi.