«Yo’l-yo’lakay o’qiymiz» loyihasi davom etmoqda

O’zbekiston Respublikasi Prezidentining 5 ta tashabbusi bo’yicha implementatsiya strategiyasini joriy etish yuzasidan, 2020 yil 20 yanvar kuni Toshkent shahar «Bilim» axborot-kutubxona markazi mutaxassislari tomonidan Olmazor tumani Qora-qamish 1/2 «River» sayilgohida Olmazor tumani aholisi bilan «Yo'l-yo'lakay o'qiymiz» loyihasining navbatdagi tadbiri o’tkazildi. Loyiha doirasida mutaxassislarimiz aholini «Bilim» AKM tasarrufidagi Cho’lpon nomli kutubxona fondida mavjud bo’lgan badiiy adabiyotlarni targ’ib qilish maqsadida, sayilgohda ko’chma kutubxona uyushtirdilar.

So’ng, «River» sayilgohida madaniy hordiq chiqarayotgan yoshlar va ularning ota - onalari uchun P. Qodirovning “Yulduzli tunlar”, X. To’xtaboyevning “Mungli ko’zlar”, “Sariq devni minib”, O’. Hoshimovning “Dunyoning ishlari” hamda “Ikki eshik orasi” nomli asarlari shuningdek, AKMdagi mavjud qiziqarli kitoblar, kelib tushgan yangi adabiyotlar bilan tanishish va mutolaa qilish imkoniyati yaratib berildi. Loyiha ishtirokchilarda katta taassurot qoldirish bilan birga, ularning kitobga bo’lgan qiziqishlari yanada ortdi. Loyihada qatnashgan ishtirokchilarga AKM tomonidan esdalik sovg’alar va markazimiz haqidagi bukletlar taqdim qilindi.