2020 yil 13 yanvar kuni «Bilim» AKM tasarrufidagi A. Qodiriy nomli kutubxonada Prezidentimizning 5 ta tashabbusining ijrosini amalga oshirish maqsadida, Ochiq eshiklar haftaligi doirasida Olmazor tumani xalq ta'limi bo'limi bilan hamkorlikda «Ijodkor egalari» nomli rasmlar ko'rgazmasi va ko'rik tanlovlar boshlandi. Ochiq eshiklar xaftaligi 2020 yilning 13-17 yanvar kunlari davom etadi. Ko'rgazmada xalq ta'limi bo'limi tasarrufidagi ta'lim muassasalari ijodkor o'quvchilari tomonidan chizilgan rasmlar namoyish qilinmoqda. Haftalikda Olmazor tumanining 196, 15, 165, 233 va 134-maktab o'quvchilari ishtirok etmoqdalar. Ko'rgazmaga qo'yilgan har bir rasmga tartib raqamlari qo'yilgan bo'lib, tashrif buyurgan har bir o'quvchiga rasmlardagi tartib raqamlari qo'yilgan varaqalar tarqatilyapti.
Har bir o'quvchi o'ziga yoqqan rasmning tartib raqamini varaqaga belgilab, maxsus idishga tashlaydi. Tadbir so'ngida rasmlarning qay biri ko'proq ovoz olsa shu rasm egasi g'olib deb topiladi va taqdirlanadi. Ko'rgazmaga kelgan barcha o'quvchilar katta qiziqish bilan rasmlarni tomosha qilib va o'zlariga yoqqan rasmlarni varaqalarga belgilab chiqyaptilar. Barcha qatnashuvchilar kutubxona bo'ylab sayohat qilib, fondimizdagi mavjud bo'lgan adabiyotlar bilan tanishishdi. Sayohat so'ngida o'quvchilar o'zlarini qiziqtirgan adabiyotlarni mutolaa qilib, kutubxonaga a'zo bo'lish istagini bildirdilar.
Комментарии
Отправить комментарий