«Bir asar tarixi» loyihasi davom etmoda

2020 yil 23 yanvar kuni Toshkent shahar «Bilim» axborot-kutubxona markazining umumiy o’quv zalida “Faol kitobxon klubi” a’zolari uchun “Bir asar tarixi” loyihasi doirasida taniqli adib Isajon Sultonning “Hazrati Xizr izidan” nomli hikoyalar to’plamining taqdimoti bo’lib o’tdi. AKM mutaxassisi SH. Atadjanova tomonidan kitobxonlarga ushbu kitobning yaratilish tarixi, to’plamdagi hikoyalarning tarbiyaviy ahamiyati, adibning hayoti va ijodi haqida ma’lumotlar berildi. Shuningdek, U mazkur to’plamda yozuvchining keyingi yillarda yaratgan, yurtdoshlarimiz hayoti, o’y-hayollari va kechinmalari hamda turli hikoyalari ham aks ettirilganligini ta’kidladi. Taqdimot davomida ishtirokchilar ushbu kitobning mazmun-mohiyati haqida o’zaro fikr almashishdi va o’z tengdoshlariga ham tafsiya etish istagini bildirishdi. Kitob taqdimoti va muhokamasi qizg’in va mazmunga boy tarzda bo’lib, Isajon Sultonning “Hazrati Xizr izidan” nomli hikoyalar to’plami kitobxon klubi a’zolari o’rtasida targ’ib qilindi va ijodkor shahs mehnatiga, kitobga bo'lgan qiziqishi oshirildi.