Beshta muhim tashabbus - ertamiz egalari istiqboli yo’lida

O’zbekiston Respublikasi Prezidentining 5 ta tashabbusining ijrosini ta’minlash maqsadida, 2020 yil 27 yanvar kuni Toshkent shahar «Bilim» axborot-kutubxona markazi, Chilonzor tumanidagi Usto Olim Komilov nomidagi 8-son Bolalar musiqa va san'at maktabi va Chilonzor tumani Madaniyat bo'limi tasarrufidagi Madaniyat markazlari bilan hamkorlikda “Beshta muhim tashabbus - ertamiz egalari istiqboli yo’lida” mavzusida ma’naviy - ma’rifiy musiqiy tadbir bo’lib o’tdi. Tadbirda maktab o'quvchilari tomonidan chizilgan rasmlar ko'rgazmasi tashkil qilindi. “Noshirlar mehmonimiz!” shiori ostida G’ofur G’ulom nahsiriyoti tomonidan kitob savdo yarmarkalari hamda «Bilim» AKM mutaxassislari tomonidan ko’chma kutubxona va ko’chma ko’rgazma uyushtirildi.

Unda kutubxona fondidagi badiiy adabiyotlar, bolalar adabiyotlari targ’ib qilindi. Shuningdek, maktab o'quvchilari va tadbir ishtirokchilari ko'rgazmadagi adabiyotlarni katta qiziqish bilan tomosha qildilar. Ayniqsa bolalarga oid adabiyotlar o'quvchilarda qiziqish uyg'otdi. AKM mutaxassislari tadbir qatnashchilariga kutubxona haqida bukletlarni tarqatdilar. Tadbir yakunida Madaniyat bo'limi tasarrufidagi Madaniyat markazlarining “Beshta muhim tashabbus - ertamiz egalari istiqboli yo’lida” mavzusidagi yillik hisobot konsert dasturi maktab o’quvchilari, pedagog hodimlar va o’quvchilarning ota - onalari uchun taqdim etildi. Konsertda “Ulug’imsan Vatanim” vokal to'garagi, “Rus termasi” faxriy xor jamoasi, “Doira zarbi” yosh doirachilar guruhi, “Fairytale” vokal to’garagi va yana bir qator guruhlar o'z chiqishlari bilan ishtirok etdilar.