Noshirlar mehmonimiz!

O‘zbekiston Respublikasi Prezidentining 2019 yil 2 fevraldagi “O‘zbekiston Respublikasi Prezidenti Administratsiyasi huzuridagi Axborot va ommaviy kommunikasiyalar agentligi faoliyatini tashkil etish to‘g‘risida” gi PQ-4151-sonli qarorini ijrosi ta'minlash maqsadida, joriy yilning 27 noyabr kuni Uchtepa tumani 4-sonli umumta’lim maktabida «Noshirlar mehmonimiz!» shiori ostida Toshkent shahar «Bilim» axborot-kutubxona markazi, «Yangi asr avlodi» nashriyoti va «Sharq» kitob do’koni bilan hamkorlikda kitob ko’rgazma-savdo yarmarkasi tashkil qilindi. 

Savdo yarmarkasida 1200 dan ortiq maktab o’qituvchilari, o’quvchilari va ularning ota-onalari qatnashib, 1000 ga yaqin kitoblar sotuvga qo’yildi, ulardan 250 dan ortiq kitoblar sotib olindi. Ko’rgazmadan o’rin olgan o’zbek va jahon badiiy adabiyotlari va bolalar ertak kitoblari o’quvchilarda katta qiziqish uyg’otdi. “Yangi asr avlodi” nashriyoti xodimlari o’quvchilar va ularning ota-onalariga T.Malikning “Odamiylik mulki”, M.Yusufning “Elimda alyorim qolur”, Isajon Sultonning “Xazrati Hizr izidan” nomli kitoblarni va bir qancha jahon adabiyoti durdonalaridan sotib olishni tavsiya qildilar. Ishtirokchilar katta qiziqish bilan ko’rgazmani tomosha qildilar va mutolaa qilish uchun kitoblar sotib oldilar.