Кitob – ilm o’chog’i

Aholi o’rtasida kitobxonlik nadaniyatini targ’ib qilish maqsadida, 2019 yil 28 noyabr kuni Chilonzor tumanidagi «Navbahor» mahallasida  «Bilim» axborot-kutubxona markazi mutaxassislari «Кitob-ilm o’chog’i» nomli ko’chma kutubxona uyushtirdilar.

Ko’rgazmadan badiiy adabiyotlar, yuridik adabiyotlar, buxgalteriya va fan sohalariga oid adabiyotlar o’rin oldi. Foydalanuvchilarga xizmat ko’rsatish bo’limi mudiri M. Inoyatova tadbir ishtirokchilarini kutubxona bilan tanishtirib, kutubxonaga a’zo bo’lish qoidalarini tushuntirdi. So’ng kutubxona mutaxassisi D. Tohirova ko’rgazmadagi adabiyotlarga bibliografik sharh berib o’tdi. Ishtirokchilar ko’rgazmadan o’rin olgan T. Malikning «Vijdon uyg’onur», Aleksandr Dyumaning «Askanio», вuxgalteriya hisobiga oid kitoblar, Mehnat kodeksi, Q.Ergashevning  «O’zbekiston tarixi» kabi kitoblarini katta qiziqish bilan ko’rib chiqdilar. Tadbir so’ngida ishtirokchilar kutubxonaga a’zo bo’lish istagini bildirdilar.